CDs: "Baffo in mona scrazzo" - 21 marzo 2015
Giorgio Baffo
Venezia, 11 VIII 1694 - Venezia, 30 VII 1768
L’AUTORE VORRIA ESSER TUTTO CAZZO
Amici, son in Mona. Oh che gran gusto!
E son in mona della mia diletta,
Ora ghe tocco ’l Cul, ora una Tetta;
E in questo posso dir, che gò ’l mio giusto.
La s’hà mollà le cottole, e anca ’l busto
Acciò, che con più comodo ghe ’l metta;
In bocca la m’hà dà la so lenguetta,
E la me trà ogni tanto qualche susto.
Mi me la godo fuora de misura,
E aver vorrìa l’osello longo un brazzo
Per furegarghe ben in la Natura.
Ah! Che per far più grando el mio solazzo,
E per darghe più gusto a sta creatura,
Esser vorrìa in sto punto tutto Cazzo.
